Неўзнакі, неўзаметкі —
Хоць сам скажу сабе —
Пасохлі мае кветкі,
Канец маёй сяўбе.
Штодзень я адчуваю
Усясільны той закон,
Што цягне к долу-гаю
У вечны цень-палон.
Ну што ж? Пажыў, пабродзіў,
Дарог прамераў шмат.
Стаміўся ты ў паходзе —
Спачынь жа ў зямлі, брат!
I сам я не пабачу,
Як згасне мой агонь.
Дык што ж? Хіба паплачу,
Падпёршы ціха скронь.
Мяне ў жывых не стане,
Сыду я ў небыццё,
Ды вечна будзе ранне,
I песні, і жыццё.
Апошнiя водгукi
2 года 16 недель назад
4 года 41 неделя назад
4 года 45 недель назад
5 лет 36 недель назад
5 лет 42 недели назад
5 лет 51 неделя назад
6 лет 3 недели назад
6 лет 14 недель назад
6 лет 24 недели назад
6 лет 40 недель назад