Браты! Вялікая дарога
Чакае нас і родны край —
Жніво настала, працы многа, —
Навукі семя засявай!
Святло нясіце — ў мроку дрэмле
Наш мілы край, наш родны кут.
Хай уваскрэснуць нашы землі,
Няхай асветліцца наш люд.
Хай будзе спор нам у прыгодзе!
Не царскі біч, не панскі хам,
Хай будзе лад ў сваёй гасподзе
Ствараць народ-уладца сам.
Люд стогне, гаруе пад цяжарам меча,
Скаваў яго сэрца гарачае лёд.
Адкрыты дарогі табе, чалавеча,
На поўдзень, на захад, на ўсход.
Ты вольны, нябога, ідзі куды хочаш,
Ты можаш ярэм'е пабіць.
I чуткія вушы, арліныя вочы,
I сэрца ты маеш любіць.
Вы ж збіліся з сцежкі, вас ноч ахапіла,
Арліныя вочы патухлі у вас,
Вас водзіць у полі нячыстая сіла,
Агонь ваш у сэрцы пагас.
Аб чым жа сумуеш, народ неспакойны?
Акінь сваім вокам прыгожую даль,
Ахамяніся, будзь волі дастойны,
I радасць пазнаеш, адкінеш ты жаль...
Апошнiя водгукi
1 год 34 недели назад
1 год 38 недель назад
2 года 29 недель назад
2 года 35 недель назад
2 года 44 недели назад
2 года 48 недель назад
3 года 7 недель назад
3 года 17 недель назад
3 года 33 недели назад
3 года 37 недель назад