На рэчцы зімою

Сярэдняя: 4.3 (127 галасоў)
Не сядзіцца ў хаце Хлопчыку малому: Кліча яго рэчка, Цягнуць санкі з дому... Хочацца Алесю Выйсці на двор з хаты, Узяць з сабой сякерку Ды ў той лес кашлаты, Стукнуць па дзярвяках З-за пляча абухам I глядзець, як сыпне Снег халодным пухам, Як стаяць над рэчкай Хвоі і яліны, Як ім снег халодны Нахіліў галіны. — Мамачка-галубка! — Просіць ён так міла, — Можа б ты на рэчку Пагуляць пусціла? Я не буду доўга, Зараз жа вярнуся, Трошачкі на рэчцы Ў санках паважуся. — Ну, ідзі пабегай, Толькі апраніся Ды, глядзі, ў палонку, Сынку, не ўваліся. Радасць і раздолле Хлопчыку малому, I не пазайздросціць Ён цяпер нікому! На плячо — сякерку, Саначкі — у руку, Хлеба ўзяў кусочак. — Цюцік! — свіснуў Жуку. Пад скарынкай лёду Тут жа, каля хаты, Працякала рэчка Скрозь лясныя шаты. Побач тэй рачулкі Кучы буралому, I застыла рэчка Мёртва, нерухома. Моцна яе грудзі Маразамі скуты, I аковы лёду Сярод рэчкі ўздуты. Ціснецца вадзіца, Не знаходзіць ходу I не мае сілы Скінуць глызы лёду. На рачулцы ў лесе Меў Алесь забаву. Ну ж і пацяшаўся Хлопчык тут на славу! — Эх ты, лёд-гвалтоўнік! Што ты вытвараеш? Ты нашто вадзіцу Крыўдзіш і ўшчуваеш? Бедненькай, ёй цёмна, Цесна пад табою. Хай жа пагамоніць, Мілая, са мною! Дам ёй ход, галубцы, Каб на свет зірнула!— I яго сякерка Спрытна секанула. Звякае тапорык, Глуха стук нясецца. Раптам клуб вадзіцы З-пада дна ўзаўецца. Коціць поўзверх лёду, Іней падымае Ды такую ж казку, Байку хлопцу бае! Слухае хлапчынка Гэты сказ нязнаны, Спеў, нікім ад веку Ў лесе не чуваны. То яму здаецца Дудак хор далёкі, То птушыны ў небе Голас адзінокі. На душы так ціха, Ціха і нейк млосна, I спявае ў сэрцы Спеў той сугалосна. Гэты спеў дзівосны Чары навявае I такія казкі Слаўныя складае! I ад гэтай песні Вее дабратою, Радасцю і шчасцем, Мілаю вясною. Ад тэй песні-казкі Трудна адарвацца, I ёй струны сэрца Хочуць адклікацца.Seasonal Footwear

"Не сядзiцца у хаце хлопчыку

"Не сядзiцца у хаце хлопчыку пальму"- любiмая прыказка майго мужа :) такое задавальненне чытаць гэты верш i сынок заснуу як ад добрай казаки :)

вельми спадабауся гэты верш!

вельми спадабауся гэты верш!

успамiн дзяцiнства

успамiн дзяцiнства

Как в детстве оказался....

Как в детстве оказался.... Дедушку вспомнил... Как мы зимой на реку ходили...

мне вельми спадабауся гэты

мне вельми спадабауся гэты верш!

Моёй маці зараз 96 гадоў... У

Моёй маці зараз 96 гадоў... У школу яна хадзіла можа гады са два-тры... Але і сення яна памятае вершыкі, якія вучыла ў школі...Асабліва вось гэты верш... разказвае яго сваім прапраўнукам... А тыя як толькі прыходзяць - адразу да бабулі і чытай ім " Мамачка-галубка, просіць сын так міла..." Вялікае дзякуй за вершы нашаму беларускаму песняру!

Музей Якуба Коласа

Як нас знаходзяць

-

Апошнiя водгукi

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі