Песня над калыскай

Сярэдняя: 5 (3 галасоў)
Аа-аа, мой сынок! Аа-аа, мілы! Не крычы, не плач: дарэмна Ты патраціш сілы; А без сілы, мой сынок, Жыць на свеце трудна... Ой ты, вецер, не шумі, Не спявай так нудна! Спаць Міхаську не даеш... Спі, мой сын маленькі! Я цябе пакалышу — Ай, люлі-люленькі! Што цябе чакае, сын? Што твая за доля? Можа й ты пот будзеш ліць У чужое поле?.. Будзеш летам ты хадзіць На плыты, на згоны, З Коўны матцы прынясеш Хоць гарсэт чырвоны... А то, можа, купіць пан Твае рукі, сілы? Паднявольным будзеш ты, Сын мой, да магілы! А мо ў школку пойдзеш ты, Будзеш чалавекам, — Без навукі цяжка жыць Гэтым трудным векам. Кінеш матку, па чужых Ты па людзях пойдзеш I на шчасце нападзеш, Долю сваю знойдзеш. Матку ўспомніш ты сваю, Як цябе люляла, Як табе ўначы не раз Песенькі спявала. I гасцінца мне прышлеш, Не забудзеш маткі. Вось уцешуся тады, Аж запляшчу ў ладкі!.. Аа-аа, мой сынок! Люлі, люлі, мілы! Ой, не плач ты, не крычы, Набірайся сілы!Adidas

Музей Якуба Коласа

Як нас знаходзяць

-

Апошнiя водгукi

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі