Якуб Колас

Select ratingДрэннаНармальнаДобраВыдатнаВельмі выдатна

Сярэдняя: 3 (3 галасоў)

Цёплы вечар. Ціха ўсюды. На заходзе сонца. Хмаркі захад чуць заслалі Тонкім валаконцам. Ззяюць хмаркі ў пазалоце, Пажарам палаюць. За гарою ціха-ціха Песні заміраюць. Выйшаў рольнік з хаты ў поле Ды па межах ходзіць, Каб пабачыць сваім вокам, Як бог жыта родзіць. Твар сур'ёзны ў селяніна, Важны, задуменны, Ходзіць, рукі залажыўшы За той пас раменны. Леглі гожымі радамі Вузкія загоны, Апранула зямля-матка Кажушок зялёны. Густа жыта малодое Поле ўсё акрыла, Лапушное, сакаўное — Проста глянуць міла. Сям-там колас раскрывае Свой пучок зялёны, Дзе-нідзе ўжо яго вусік Блісне на загонах. Селянін глядзіць з уцехай, Ходзячы ў тым дары... Так ні поп, ні ксёндз не ходзяць Пры сваім алтары.Producttags : Nike Trainers