Ці коска зазвоніць у час касавіцы,
Ці песню дзяўчо запяе,
Ці неба заззяе ў агнях бліскавіцы,
Ці вецер задзьме-зазлуе,
Ці гром гучнабежны пракоціцца ў хмарах,
Ці грукне над лесам пярун, —
Усё адклікаецца ў вольных абшарах,
Ўсё іх дакранаецца струн.
А ты, калі гора каго напаткае,
Ці жальба пачуецца, плач,
Або запануе дзе крыўда ліхая —
На ўсё адгукніся, адзнач.
А радасць пачуеш, надзеі ўзаўюцца,
Каб добрыя весткі падаць,
Няхай тады струны твае засмяюцца
I песняю шчасця гучаць.
Апошнiя водгукi
2 года 33 недели назад
5 лет 5 недель назад
5 лет 10 недель назад
6 лет 6 дней назад
6 лет 7 недель назад
6 лет 15 недель назад
6 лет 19 недель назад
6 лет 30 недель назад
6 лет 40 недель назад
7 лет 4 недели назад