З песень адзінокага

Сярэдняя: 5 (5 галасоў)
                    1

Я — адзін, жыву без дому,
Сам сабе я першы пан,
Галавы не гну нікому,
Не схіляю гібкі стан.

Я — адзін, нічым не скован,
Вольны я, бы дух палёў,
Ад разбойнікаў захован,
Ад усякіх зладзяёў.

Я — адзін, нічым не звязан,
Мне няма над чым карпець,
Свет нідзе мне не заказан,
Вольны ўсюды я ляцець.

Скарб мой — рукі, конь мой — ногі,
Як пайду — сам чорт не брат,
Кій у рукі — і з дарогі
Без нуды зірну назад.

Даражэй за ўсё — свабода,
Дык што плакацца дарма?
Воля, воля! Толькі шкода,
Што цябе нідзе няма.

                    2

Эх, нашто ўздыхаць па волі,
Калі я не маю долі,

Калі марна годы трачу,
Калі сэрца ў смутку плача?

Знаць, няшчасным урадзіўся,
Што свет белы зачыніўся,

Зачыніўся, збегся клінам...
Горка быць мужычым сынам!

Багач ззяе ў пазалоце,
Мужык бедны мрэ ў бядоце,

У мядалях «зубр» багаты,
А ты носіш адны латы.

Бо мужычы сын пахілы
Роўнасць мае... у магіле.

                    3

Я не маю сваёй хаткі,
Я не помню роднай маткі.

Рос я круглым сіратою,
Як той дуб, што над вадою.

Мяне матка не люляла,
Казак, песень не спявала.

Чуў я толькі песні бору,
Гадавала мяне гора.

Хоць нядоля мяне гнала,
Усё ж мне сілы не зламала:

Ці ж я ростам не высокі?
Ці ж у грудзях не шырокі?

Валасы да плеч густыя,
Мае рукі, як стальныя.

Спрытна рэжу дол сахою,
Здатны ў лузе за касою!..

Толькі ж дол чужы капаю,
Толькі долі я не маю!

Ой, пайду, пайду я ў поле,
Загукаю: «Дзе ты, доля?

Дзе ты, шчасце? Адгукніся,
Ка мне тварам павярніся!»

Толькі ж ціха-ціха ў полі,
Толькі вецер дзьме паволі:

«Дарма жыцце тваё гіне,
Няма долі бедачыне!»

                    4

Што тужыць, гараваць?
Маю сілу ў руках —
Хлеб змагу даставаць,
Хіба праца мне страх?

Я — адзін, я — здароў,
Месца ўсюды мне шмат,
Захацеў — і пайшоў,
Пыл узняўшы з-пад пят.

Гаспадарку сваю
Усю з сабою вазьму.
Песню я запяю —
Раскатурхаю цьму.

Што мне гнуцца ў дугу?
Каму шапку знімаць?
Няўжо ж я не змагу
Сам сябе падтрымаць?

Волен свет мне кругом,
Дзе прайду — будзе знак,
Дзе прылёг — там і дом,
Кожны бедны — сваяк.

Музей Якуба Коласа

Як нас знаходзяць

  • https://yandex.ru/clck/jsredir?from=yandex.ru%3Bsearch%3Bweb%3B%3B&text=&etext=1831.Rs5XQFLENfuUZq2L0B1rCFSTrpGWDB5i11J8JiThStjy96ti6Gab6Vko5vFq0E9U.944b4f64588c0d791b16dee7c1359d2ac65f1aff&uuid=&state=_BLhILn4SxNIvvL0W45KSic66uCIg23qh8iRG98qeIXmeppkgUc0YOm24rr5dkiDnIjpu2TfUVc&data=UlNrNmk5WktYejR0eWJFYk1LdmtxZ0RwVHZkSjNoQk9mT3BlV0N5d0Y1cnY0M0FKcjV4Nlo5NmJNSFcxME84SUpqRVplWGRGWlEwc3RETkpGT2wyLVFwT0ZybF8tMVd2dzgxcERnWmlZd0p4NnpJMUpVUmwxU0xDc3FXdF83QlE&b64e=2&sign=a236980f28f2518a74193d1d786f4001&keyno=0&cst=AiuY0DBWFJ7IXge4WdYJQe3IrxbPWIv4GjPstrCVHV3Wns9tjC6lFt-aDOihLmlhuvhC70GHOcxt4UbSJDxfkwpY08SUSMo-8vU2UYhK7hZhA2otp2EkZod_XU_kOVyd1c8iiFTLIBCtvUngx9i900dATxgRYVBH&ref=orjY4mGPRjk5boDnW0uvlrrd71vZw9kp5uQozpMtKCWbgDHRNa-0yp8sSRNBOrUyhTrluich4iCH7hNeAutbbTM7t7vDkN6FuagePGXrl0vwUWGVRLWc9w&l10n=ru&cts=1529992728211&mc=0

Апошнiя водгукi

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі